05.08.2021 08:24:59 (GMT+12)
![Йиг’ояватгин’ын Тэйкэнэнэнык валг’ын’ экономикакен майн’ыомакатгин’ын’ ( ВЭФ-2021): Нэкмитын Тайкыён этгиӈэпыӈ «Льгиэӈг’элу лыӈылг’у чининваяткенав’ ёнатгиӈо» / Презентация на ВЭФ туризма Камчатки: учреждена награда «За верность традициям своего народа»](/upload/iblock/198/198c452a63601560433a26aa0be07844.jpg)
Вэтатъиччетэ пыӈлойпыӈ яйтаӈык то йингычголавык айгытӄываятэн этгиӈо нэкмитын положениян, миӈкые наяӈвоӈнав’ йинопакметык ячвыӈчатылг’о г’ытг’ылг’у чененкечг’энаӈ «Берингияк» этгиӈык «Льгиэӈг’элу лыӈылг’у чининваяткенав’ ёнатгиӈо».
В’уччин берингиякен ойпакметгиӈын кенӈывоӈ гэмгэгивик, тит яйтаӈык то йингыйивэтык айгытӄываятэн этгиӈо, то яйтык айгытӄылг’эн г’ытг’ылг’атгиӈын.
В’уччин ойпакметгиӈын гантоӈвав’лэн 2016 г., в’утин гивик мыкыӈ нэегитэйки ячвыӈчатгиӈын г’ытг’ылг’ин чененваяткечг’энаӈ, миӈкые г’ытг’ылг’а накояваӈнав’ чининкинэв’ уттин уетику. В’утку опта нэегитэйкынэв’ - тит ымыльг’ыӈ йиг’эт ячвыӈчатылг’а нанг’ыгалаӈ уттыуетикэ, микнэк инг’э ягалаӈнэн йиг’эт. Ойпакметгиӈын куныннылг’этыӈ Алексей Спиридонович Колеговынакъет. Опта наянойпакмев’ӈын г’ытг’ылг’ын меӈин яячвыӈчатыӈ чининваятэн кимитг’алг’ын»,- эвыӈ итылг’ын оргкомитетык «Берингия», инэллэчг’ын иччетык, миӈки накогэтаӈвоӈнав’ пыӈлов’ яйтаӈык айгытӄываятэн этгиӈо, итылг’ын инанвийиӈылг’у г’уемтэв’илг’у крайик Валентина Броневич.
В. Броневич итти ванык «Эйвэт» то «Хальч» Елизовский районык, опта егитэӈнин вано, миӈки г’ытг’у накув’йипӈынав’ Паланык то Оссорак. В’утин ванык опта чинин нэкутэйкыӈнэв’ льгиуетикив’.
Вэтэтъиччэтэ нэкутэйкыӈын анкетированиян, миӈкые чененкечг’энаӈ яячвыӈчаллаӈ г’ытг’ылг’у. То янотычг’ын нэейичиӈын чинин омакальг’анма.
Пылв’ынтогиӈын ойпакметин нэегитэӈын оргкомитета, миӈки накогэтаӈвоӈнав’ этгиӈо яйтаӈык айгытӄываятэн ёнатгиӈо то вэтгиӈо ячвыӈчатылг’эн г’ытг’ылг’ин.
В’утин гивик «Берингия» ягалаӈ лыкл’эӈкин фестиваля. Йитыӈ кымиӈин ячвыӈчатгиӈын «Дюлин»,ячвыӈчатгиӈын- ӈывогиӈын «Берингия». То чинин ячвыӈчатгиӈын г’ытг’ылг’ин наяӈвоӈын Эссок. Нэенгыйивэнӈын культуракен этгиӈын «Берингия», ягалаӈ «Елизовский спринт», региональный энангыеватгиӈын «Лымӈылькен Камчаткан» , «Г’ылг’ылин в’ины». Ымыӈ ыннею этгиӈо ягалалаӈ 21 чыӄъивив’ йиэлгыӈӄо 6 тэнмыталойиэлгэтыӈ.
В’отэныӈӄо панэнатвылай эначгыпавъэччатыӈӄо губернаторэн то Инэллэиччетин крайик.
Эчгыпо йинчоччымав’нэн С. Тынанто.
В’уччин берингиякен ойпакметгиӈын кенӈывоӈ гэмгэгивик, тит яйтаӈык то йингыйивэтык айгытӄываятэн этгиӈо, то яйтык айгытӄылг’эн г’ытг’ылг’атгиӈын.
В’уччин ойпакметгиӈын гантоӈвав’лэн 2016 г., в’утин гивик мыкыӈ нэегитэйки ячвыӈчатгиӈын г’ытг’ылг’ин чененваяткечг’энаӈ, миӈкые г’ытг’ылг’а накояваӈнав’ чининкинэв’ уттин уетику. В’утку опта нэегитэйкынэв’ - тит ымыльг’ыӈ йиг’эт ячвыӈчатылг’а нанг’ыгалаӈ уттыуетикэ, микнэк инг’э ягалаӈнэн йиг’эт. Ойпакметгиӈын куныннылг’этыӈ Алексей Спиридонович Колеговынакъет. Опта наянойпакмев’ӈын г’ытг’ылг’ын меӈин яячвыӈчатыӈ чининваятэн кимитг’алг’ын»,- эвыӈ итылг’ын оргкомитетык «Берингия», инэллэчг’ын иччетык, миӈки накогэтаӈвоӈнав’ пыӈлов’ яйтаӈык айгытӄываятэн этгиӈо, итылг’ын инанвийиӈылг’у г’уемтэв’илг’у крайик Валентина Броневич.
В. Броневич итти ванык «Эйвэт» то «Хальч» Елизовский районык, опта егитэӈнин вано, миӈки г’ытг’у накув’йипӈынав’ Паланык то Оссорак. В’утин ванык опта чинин нэкутэйкыӈнэв’ льгиуетикив’.
Вэтэтъиччэтэ нэкутэйкыӈын анкетированиян, миӈкые чененкечг’энаӈ яячвыӈчаллаӈ г’ытг’ылг’у. То янотычг’ын нэейичиӈын чинин омакальг’анма.
Пылв’ынтогиӈын ойпакметин нэегитэӈын оргкомитета, миӈки накогэтаӈвоӈнав’ этгиӈо яйтаӈык айгытӄываятэн ёнатгиӈо то вэтгиӈо ячвыӈчатылг’эн г’ытг’ылг’ин.
В’утин гивик «Берингия» ягалаӈ лыкл’эӈкин фестиваля. Йитыӈ кымиӈин ячвыӈчатгиӈын «Дюлин»,ячвыӈчатгиӈын- ӈывогиӈын «Берингия». То чинин ячвыӈчатгиӈын г’ытг’ылг’ин наяӈвоӈын Эссок. Нэенгыйивэнӈын культуракен этгиӈын «Берингия», ягалаӈ «Елизовский спринт», региональный энангыеватгиӈын «Лымӈылькен Камчаткан» , «Г’ылг’ылин в’ины». Ымыӈ ыннею этгиӈо ягалалаӈ 21 чыӄъивив’ йиэлгыӈӄо 6 тэнмыталойиэлгэтыӈ.
В’отэныӈӄо панэнатвылай эначгыпавъэччатыӈӄо губернаторэн то Инэллэиччетин крайик.
Эчгыпо йинчоччымав’нэн С. Тынанто.