09.08.2021 07:58:30 (GMT+12)
![Йиг’ояватгин’ын Тэйкэнэнэнык валг’ын’ экономикакен майн’ыомакатгин’ын’ ( ВЭФ-2021): Ячвыӈчатылг’о г’ытг’ылг’у Тымлатыӈӄо то Усть-Хайрюзовыӈӄо нэеннэв’ Петропавловскайтыӈ-Камчаткакен / Презентация на ВЭФ туризма Камчатки: Долгая дорога участников гонки](/upload/iblock/6d6/6d6555815d3dc01703faa81ef4056b3f.jpg)
Г’ытг’ылг’у Е. Кутынкавав то А. Попов то ычгинэв’ г’ытг’у нэеннэв’ вертолёта Тымлатыӈӄо Карагинский районык то Усть- Хайрюзово Тигильский районык в’ойвэтыӈ Козыревск Усть- Камчатский районык, то еӄӄэ нэллэнэв’ лэйвинэӈэ Петропавловскайтыӈ- Камчаткакен.
Ыччи нывилгыг’и ванык, миӈки г’ытг’у накув’йипӈынав’ городгэӈкы. Ынней г’ытг’ылг’ыт яячвыӈчанӈэ титилик йиг’эт Эссо- Оссоран, меӈинин эв’лыгиӈын китыӈ 950 км, эмет ӈывогыг’э чоччымавык ячвыӈык «Берингийский омакаӈ этгиӈын». Ычгынан наяяваӈнав’ чининкинэв’ уетику.
«Е. Кутынкавав ӈыечеӈ итти янотычг’о ойпакметык «Эӈг’элу лыӈык ымыӈ ею Айгытӄыкенав’», то итти ӈыёӄаво янотычг’ык «Берингияк». А. Попов уйӈэ аячвыӈчатка 2010 гэвэгиӈыӈӄо, ынняӄ 2005 гэвэгиӈык ныг’эли эналватылг’о «Берингияк». Этг’у ыннэн ячвыӈчатылг’ын ыяваӈӄо мыччаялаӈын ӈывома нытуйӄинэв’ вэтатг’ылв’ыёв’. Ыннин китыӈ Г. Айначгин»,- иви итылг’ын операторо ячвыӈчатгиӈык, инэллэчг’ын АНО «Камчаткакен туристический эначгыпав’гынун» Н. Парастюк.
В’иннетылг’э г’ытг’ылг’ин ячвыӈчатгиӈык «Берингия» паӈав’ъйийг’ылок нэеннэв’ пичгу то мытӄу Оссорайтыӈ. В’ойвыӈӄо амъел нэеллэӈнэв’ ынан ыявак валг’этыӈ ванэтыӈ йиг’этэн. Инэгэю пичгин то мытӄин ныг’итикынэв’ тит нымэлг’эв’ нанг’ыгалан ниччыӄин йиг’эт- Карагинский г’иннылӄын.
Йив’лык г’ытг’ылг’у то ычгинэв’ инэӈэю эвилкэткэ в’иннети йиӈэльг’этъиччет «Витязь- Аэро».
Эчгыпо йинчоччымав’нэн С. Тынанто.
Ыччи нывилгыг’и ванык, миӈки г’ытг’у накув’йипӈынав’ городгэӈкы. Ынней г’ытг’ылг’ыт яячвыӈчанӈэ титилик йиг’эт Эссо- Оссоран, меӈинин эв’лыгиӈын китыӈ 950 км, эмет ӈывогыг’э чоччымавык ячвыӈык «Берингийский омакаӈ этгиӈын». Ычгынан наяяваӈнав’ чининкинэв’ уетику.
«Е. Кутынкавав ӈыечеӈ итти янотычг’о ойпакметык «Эӈг’элу лыӈык ымыӈ ею Айгытӄыкенав’», то итти ӈыёӄаво янотычг’ык «Берингияк». А. Попов уйӈэ аячвыӈчатка 2010 гэвэгиӈыӈӄо, ынняӄ 2005 гэвэгиӈык ныг’эли эналватылг’о «Берингияк». Этг’у ыннэн ячвыӈчатылг’ын ыяваӈӄо мыччаялаӈын ӈывома нытуйӄинэв’ вэтатг’ылв’ыёв’. Ыннин китыӈ Г. Айначгин»,- иви итылг’ын операторо ячвыӈчатгиӈык, инэллэчг’ын АНО «Камчаткакен туристический эначгыпав’гынун» Н. Парастюк.
В’иннетылг’э г’ытг’ылг’ин ячвыӈчатгиӈык «Берингия» паӈав’ъйийг’ылок нэеннэв’ пичгу то мытӄу Оссорайтыӈ. В’ойвыӈӄо амъел нэеллэӈнэв’ ынан ыявак валг’этыӈ ванэтыӈ йиг’этэн. Инэгэю пичгин то мытӄин ныг’итикынэв’ тит нымэлг’эв’ нанг’ыгалан ниччыӄин йиг’эт- Карагинский г’иннылӄын.
Йив’лык г’ытг’ылг’у то ычгинэв’ инэӈэю эвилкэткэ в’иннети йиӈэльг’этъиччет «Витязь- Аэро».
Эчгыпо йинчоччымав’нэн С. Тынанто.