Яйтаӈык чининкинэв’ этгиӈо Камчаткакэнав’- яноткенав’ танвэтгыӈгиӈо «Берингиякенав’». В’уткекъйит в’аняватэ инэллэчг’ын крайик эначгыпавылг’ыйикыӈ. Инэллэчг’ын регионык эвыӈ, яноткэнав’ танвэтгыӈгиӈо лыкл’эӈкин ангытэн «Берингия» - тит лиги нэнг’ылӈикынэв’ юнэтылг’э Камчаткак айгытӄываятэн чининкинэв’ ёнатгиӈо то вэтгиӈо.

Ынно опта эвыӈ, инэллэиччетэ крайик нэев’иннетикынэв’ чининкинэв’ митычг’у тэминӈык, меӈию ӄонпыӈ ковэталаӈ.

«Тыкивыӈ, тит лиги мынг’ылӈылайкэ то мынг’ыв’эннялайкынав’ митычг’у чененваяткэчг’энаӈ вэтатык ымгэвэгиӈын. Мытакмэлан тайкыён,тит йинтоӈвавык яӈъя итылг’у грантав’ титэ еплиткуӈ ячвыӈчатгиӈын. Ыччу еллайкэ метычг’ыйикыӈ чененкечг’энаӈ вэтатык, то меӈиныйик накумг’ыг’ав’ накояяйтаӈнав’ айгытӄываятэн вэтгиӈо»,- иви инэллэчг’ын крайик.

Йиннимэв’нэн С. Тынанто.