15.08.2021 08:49:09 (GMT+12)
![Йиг’ояватгин’ын Тэйкэнэнэнык валг’ын’ экономикакен майн’ыомакатгин’ын’ ( ВЭФ-2021): Энангыеватгиӈа «Лымӈылькэн Камчаткан» / Презентация на ВЭФ туризма Камчатки: «Сказочная Камчатка»](/upload/iblock/d2c/d2c054ce523ec73c09913c8f4c288f0f.jpg)
Ымоӈ ыявак валг’ыӈӄо районыӈӄо келлаӈ энангыеватгиӈык «Лымӈылкэн Камчаткан: гийникналгу то йиннитыг’эвылг’у налгу». В’утку нэкунлыг’ув’ӈынэв’ метгиӈо таналгыӈык Олюторский, Алеутский, Мильковский, Быстринский то ӄутин районыӈӄо, эвыӈ йинв’аӈанма выставкан инавийиӈылг’ын г’уемтэв’илг’ин Камчатский крайик Валентина Броневич.
Энангыеватгиӈын «Лымӈылькэн Камчаткан: гийникналгу то йиннитыг’эвылг’у налгу” когалаӈ лыкл’эӈкинэк фестивалик «Берингиян». Йив’аӈатгиӈык в’уччин выставкан мылав’лай ӄояямкэн мылав’ъиччет «Нулгур» то чав’чывачгэн мылав’ъиччет «Ангыт».
В’утин энангыеватгиӈык вэтатэ экспозициян «Энанэнаёӈавылг’о Берингията», меӈин ганчоччымав’лэн Камчаткакен краевой музея омакаӈ лиги лыӈылг’ык тэминӈык, то краевой вана миӈки каликалу накув’йипӈынав’ нынылг’этылг’ын С. П. Крашениннниковын. Гэтама йипыткаво, калечетгиӈо, лымӈылё етылг’э нэкуйгулэнӈын, миӈкые ӈывой ячвыӈчатгиӈын г’ытг’ылг’ин айгытӄываятэн.
Опта ковэтатыӈ ваны «Нучельӄын Камчаткакен». В’утку нэкунгыйивэнӈынэв’ в’аӈэв’ налгыкенав’, тэминӈу уттин то г’ытг’ымин, ымыӈ эв’эннив’ манигытг’улин то ӈынвыӄ имы ею ӄуччев’.
Эчгыпо йинчоччымав’нэн С. Тынанто.
Энангыеватгиӈын «Лымӈылькэн Камчаткан: гийникналгу то йиннитыг’эвылг’у налгу” когалаӈ лыкл’эӈкинэк фестивалик «Берингиян». Йив’аӈатгиӈык в’уччин выставкан мылав’лай ӄояямкэн мылав’ъиччет «Нулгур» то чав’чывачгэн мылав’ъиччет «Ангыт».
В’утин энангыеватгиӈык вэтатэ экспозициян «Энанэнаёӈавылг’о Берингията», меӈин ганчоччымав’лэн Камчаткакен краевой музея омакаӈ лиги лыӈылг’ык тэминӈык, то краевой вана миӈки каликалу накув’йипӈынав’ нынылг’этылг’ын С. П. Крашениннниковын. Гэтама йипыткаво, калечетгиӈо, лымӈылё етылг’э нэкуйгулэнӈын, миӈкые ӈывой ячвыӈчатгиӈын г’ытг’ылг’ин айгытӄываятэн.
Опта ковэтатыӈ ваны «Нучельӄын Камчаткакен». В’утку нэкунгыйивэнӈынэв’ в’аӈэв’ налгыкенав’, тэминӈу уттин то г’ытг’ымин, ымыӈ эв’эннив’ манигытг’улин то ӈынвыӄ имы ею ӄуччев’.
Эчгыпо йинчоччымав’нэн С. Тынанто.