30.08.2021 01:01:29 (GMT+12)
![Мылав’ъиччет «Коритэв» итти межрегиональный энангыеватгиӈык гамгаваятэн пыттоӈгиӈэпыӈ то метгиӈэпыӈ «Омакаӈ мую-Россия» / Ансамбль «Коритэв» убедил зрителей в туристической привлекательности Камчатки и Корякского округа в особенности](/upload/iblock/358/358b7a73ecd9e2208de7cb912f7d37e9.jpg)
Мылав’ъиччет «Коритэв» итти межрегиональный энангыеватгиӈык гамгаваятэн пыттоӈгиӈэпыӈ то метгиӈэпыӈ «Омакаӈ мую-Россия»
Ыннин фестиваль галай майӈыв’уйвык Советск Калининградский областяк. В’утку омакалай иччету то митычг’у тэминьӈык 12 регионыӈӄо итылг’у Россияк то Республикак Беларусь.
Камчатский крайиӈӄо эллай тойваятэн мылав’ъиччет «Коритэв» то Лидия Иннокентьевна Чечулина, яйтаӈычг’ын чининваяткэнав’ этгиӈо то культуран.
«В’алэлӈатылг’а витку ат нэлэг’унэв’ метгиӈо айгытӄываятэн Камчачаткаӈӄо. Ычгынан эӈиньму нэлӈынэв’ мучгинэв’ энанг’ояватгиӈо то унмык мынгыпытӄаллай мойкыӈ. Мылав’ъиччетэ «Коритэв» йингыйивэннин мылаво ам Лидия Иннокентьевна ӄолэявай. Ыннин лайвыгиӈын мойкыӈ итти тыттэль нымэлӄин, мытлыг’унэв’ ӄуччев’ митычг’у иччету, омакаӈ мыткычвэльг’алла, мытынгыйивэнэв’ овэкэӈ метгиӈо мылавык то тэминьӈык гамга нотаӈӄо Россиякен, опта мытэлла экскурсияк. Мыткив’ӈынэв’ Ӄайлём эналлаэччатыӈ культуракэн регионык то Камчаткакен гыноныӈ культуракен ваятэн метгиӈэпыӈ , мыев’ мую мытэлла ячвыӈчатгиӈык»,- иви Г. Кравченко, инэллэчг’ын тойваятэн мылав’ъиччетык «Коритэв».
Г. Кравченко ковэтатыӈ КЦНТ, ынно итти в’аняватгиӈык «Этнокультурный вэтгиӈо- этгиӈын йингычголавык томгылг’атгиӈо гамгаваятэн юнэтылг’у Россияк. Этгиӈо то тойвагиӈын».
Омаканма натанвэтгыӈнав’ пыӈлов’ тит йинымкавык то яйтаӈык гамгаваятэн культуран.
Творчестван мылав’ъиччетин «Коритэв» опта китыӈ в’иннетычг’у туризмакен вэтгиӈыӈ то ымыӈ ямкэчэлг’ыйикыӈ Корякский округэтыӈ.
Эняннимэв’нэн С. Тынанто.
Ыннин фестиваль галай майӈыв’уйвык Советск Калининградский областяк. В’утку омакалай иччету то митычг’у тэминьӈык 12 регионыӈӄо итылг’у Россияк то Республикак Беларусь.
Камчатский крайиӈӄо эллай тойваятэн мылав’ъиччет «Коритэв» то Лидия Иннокентьевна Чечулина, яйтаӈычг’ын чининваяткэнав’ этгиӈо то культуран.
«В’алэлӈатылг’а витку ат нэлэг’унэв’ метгиӈо айгытӄываятэн Камчачаткаӈӄо. Ычгынан эӈиньму нэлӈынэв’ мучгинэв’ энанг’ояватгиӈо то унмык мынгыпытӄаллай мойкыӈ. Мылав’ъиччетэ «Коритэв» йингыйивэннин мылаво ам Лидия Иннокентьевна ӄолэявай. Ыннин лайвыгиӈын мойкыӈ итти тыттэль нымэлӄин, мытлыг’унэв’ ӄуччев’ митычг’у иччету, омакаӈ мыткычвэльг’алла, мытынгыйивэнэв’ овэкэӈ метгиӈо мылавык то тэминьӈык гамга нотаӈӄо Россиякен, опта мытэлла экскурсияк. Мыткив’ӈынэв’ Ӄайлём эналлаэччатыӈ культуракэн регионык то Камчаткакен гыноныӈ культуракен ваятэн метгиӈэпыӈ , мыев’ мую мытэлла ячвыӈчатгиӈык»,- иви Г. Кравченко, инэллэчг’ын тойваятэн мылав’ъиччетык «Коритэв».
Г. Кравченко ковэтатыӈ КЦНТ, ынно итти в’аняватгиӈык «Этнокультурный вэтгиӈо- этгиӈын йингычголавык томгылг’атгиӈо гамгаваятэн юнэтылг’у Россияк. Этгиӈо то тойвагиӈын».
Омаканма натанвэтгыӈнав’ пыӈлов’ тит йинымкавык то яйтаӈык гамгаваятэн культуран.
Творчестван мылав’ъиччетин «Коритэв» опта китыӈ в’иннетычг’у туризмакен вэтгиӈыӈ то ымыӈ ямкэчэлг’ыйикыӈ Корякский округэтыӈ.
Эняннимэв’нэн С. Тынанто.