Титэ итти Г’ылв’ий омакаӈ итык ваято, Петропавловскак-Камчаткакэн галай айгытӄываятэн ангыт аӈӄакэн гийникин калилг’ин «Ололо». Ыннин ангыт кенӈывоӈ мыев’ накоплиткоӈвоӈын тагийниӈгийӈын то ынныӈийтыгиӈын. Ымгэгиӈын накояваӈвоӈын тит йинчоччымавык ыннин ангыт. Нымылг’э чав’чываокругык нымэйиӈг’эв’ наконъангытыков’ӈын «Ололо».

Ангытыткома итти энанв’алэлӈатгиӈын мылав’ъиччетин Камчатский краен. Ганчоччымав’лэнав’ амалваӈ валг’о пичгу- тилӄытил, киликил, ачг’ыг’ач, тайкыӄлевав’, имы яӄ ывынг’у то ӄуччев’.

В’уткекьйит панэнатвылай эначгыпавылг’о инэллэчг’ин то Инэллэиччетин Камчатский крайик.

Эняннимэв’нэн С. Тынанто